विश्व खबर 
नयाँ दिल्ली। भारतको उत्तरकाशी सुरुङमा फसेका ४१ जना कामदारको १७ दिनपछि सकुशल उद्धार गरिएको छ। उत्तराखण्ड सरकारले सुरुङमा फसेका ४१ जना कामदारलाई सकुशल बाहिर निकालेको जनाएको छ ।
हाल सबै कर्मचारीको स्वास्थ्यकेन्द्रमा उपचार भइरहेको छ । १७ दिनपछि देशका विभिन्न ठाउँमा बस्ने मजदुरका परिवारले राहतको सास फेरिरहेका छन्। विभिन्न समाचार च्यानलमा आइरहेका तस्विरमा मजदुरका परिवारले खुसी मनाउँदै गरेको देख्न सकिन्छ ।
मजदुरहरु बाहिर निस्कनेबित्तिकै सुरुङबाहिर उत्सवको माहोल देखिएको थियो। सुरुङमा फसेका ४१ जना मजदुरको सकुशल उद्दारका लागि १६ दिनअघिदेखि उद्धार कार्य सुरु भएको थियो । यस प्रक्रियामा संलग्न उद्धारकर्मीहरूले पटक पटक धेरै समस्याको सामना गर्नुपरेको थियो।
नोभेम्बर १२ मा सुरुङको एक भाग भत्किँदा ४१ जना कामदार भित्र फसेका थिए।
प्रतिक्रिया दिनुहोस्
