५ असार २०७८, शनिबार   |  June 19, 2021
advertisement of bishwo khabr
Tika Gurung

साथीको हत्या गरेको अभियोगमा ३९ वर्षीय युबक पक्राउ

साथीको हत्या गरेको अभियोगमा ३९ वर्षीय युबक पक्राउ


कैलाली । कैलालीको लम्कीचुहा नगरपालिका- २ मोतिपुरबाट एक जना पक्राउ परेका छन् । आफ्नै साथीको हत्या गरेको अभियोगमा कैलारी गाउँपालिका-४ के गाउँ घर ठेगाना बताउने ३९ वर्षीय सोम बहादुर बस्नेतलाई प्रहरीले पक्राउ गरेको हो ।

मोतीपुरमा डेरा गरी ज्याला मजदुरीको काम गरी बस्ने धनगढीका ३६ वर्षीय विशाल बुढाथोकीको उनले हत्या गरेको प्रहरीको भनाइ छ ।

टाउकोको पछाडी घाउ चोट रही विशाल मृत अवस्थामा फेला परेको घटनाको अनुसन्धानको क्रममा सोम बहादुर पक्राउ परेका हुन् । ईलाका प्रहरी कार्यालय लम्कीबाट खटिएको प्रहरीले कैलारी गाउँपालिकाको बीरेन्द्र सामुदायिक बनमा लुकिछिपी बसेको अवस्थामा फेला पारी पक्राउ गरेको हो ।

घटनाको प्रारम्भिक अनुसन्धानको क्रममा उनीहरूबीच आइतबार बेलुका घरेलु मदिरा सेवन गरी बादबिबाद हुँदा सोम बहादुरले फलामको कर्नीले टाउकोमा हिर्काउँदा विशालको मृत्यु भएको खुल्न आएको छ ।

यस सम्बन्धमा थप अनुसन्धान भइरहेको जिल्ला प्रहरी कार्यालय कैलालीले जनाएको छ ।

Leave a Reply

Your email address will not be published. Required fields are marked *

175947743 636850780512448 4985046120171052420 n