विश्व खबर 
काठमाडौं– कञ्चनपुर प्रहरीले भारतबाट भन्सार छलेर नेपाल भित्र्याउन लागिएको करिब ५७ हजार रुपैयाँ बराबरको सामानसहित चार जना भारतीय नागरिकलाई पक्राउ गरेको छ।
बेलौरी नगरपालिका–१ खल्लाबाट तीन क्विन्टल ५० किलो तोरी र चार थान साइकलसहित उनीहरूलाई बिहीबार नियन्त्रणमा लिइएको जिल्ला प्रहरी कार्यालय कञ्चनपुरले जनाएको छ।
प्रहरीका अनुसार बेलौरी नगरपालिका–२ बैजुडाँडामा बेवारिसे अवस्थामा फालिएको करिब २५ हजार रुपैयाँ बराबरका पेय पदार्थ, बिडी र बोइलर कुखुरा पनि बरामद गरिएको छ।
यसैबीच, प्रहरीले जुवाखालमा छापा मारेर आठ जनालाई पक्राउ गरेको छ। उनीहरूको साथबाट ५५ हजार रुपैयाँ नगद बरामद भएको प्रहरीले जनाएको छ।
प्रतिक्रिया दिनुहोस्
