विश्व खबर 
काठमाडौं– अमेरिकी खुफिया निकायको नयाँ आकलन अनुसार रूसले आगामी केही वर्षभित्र कुनै नेटो सदस्य राष्ट्रमाथि सीमित स्तरको हमला गर्न सक्ने सम्भावना रहेको बताइएको छ ।
द वाल स्ट्रिट जर्नलले सार्वजनिक गरेको रिपोर्टमा साइबर आक्रमण, हाइब्रिड कारबाही वा सानो भूभागमा सैन्य घुसपैठमार्फत नेटोको सामूहिक रक्षा प्रतिबद्धता परीक्षण गर्न सकिने उल्लेख छ ।
सीएनएनका अनुसार यस्तो जोखिम यही शरद ऋतुदेखि सन् २०२९ भित्र देखिएको छ ।
अमेरिकी स्रोतहरूले बाल्टिक देशहरू वा पोल्यान्ड सम्भावित लक्ष्य हुन सक्ने बताएका छन्, यद्यपि ठोस समय र स्वरूप स्पष्ट छैन ।
नेटोले वर्गीकृत रिपोर्टबारे टिप्पणी नगरे पनि कुनै पनि सुरक्षा चुनौतीका लागि आफू तयार रहेको जनाएको छ ।
प्रतिक्रिया दिनुहोस्
