विश्व खबर 
काठमाडौं– युनाइटेड अजोड इन्स्योरेन्सका प्रमुख कार्यकारी अधिकृत (सीईओ) नारायणकुमार भट्टराईले पदबाट राजीनामा दिएका छन् ।
उनले सञ्चालक समितिसमक्ष राजीनामा बुझाएका थिए, जसलाई सोमबार बसेको बैठकले स्वीकृत गरेको कम्पनी स्रोतले जनाएको छ ।
चौधरी ग्रुपको अनावश्यक दबाबका कारण भट्टराईले पद छाडेको बताइएको छ ।
उनी २०८३ वैशाख १० गते सीईओमा नियुक्त भएका थिए ।
छोटो समयमै उनले पदबाट बाहिरिनु परेको हो ।
यसअघि भट्टराई गुराँस लाइफ इन्स्योरेन्सका पूर्वसीईओसमेत हुन् ।
पछिल्लो समय इन्स्योरेन्स कम्पनीहरूमा सीईओहरूको छिटो परिवर्तन भइरहँदा व्यवस्थापन अस्थिर बन्न थालेको भन्दै कर्मचारी वृत्तमा चिन्ता बढेको छ ।
प्रतिक्रिया दिनुहोस्
