विश्व खबर 
काठमाडौं– नेपाल औषधि लिमिटेड ०४६ सालपछि पहिलोपटक नाफामा फर्किएको छ ।
गत आर्थिक वर्ष ०८२/८३ मा कम्पनीले करिब ३ करोड रुपैयाँ खुद नाफा कमाएको हो ।
अघिल्लो वर्ष ०८१/८२ मा लिमिटेड १० करोड ३ लाख रुपैयाँ घाटामा थि यो।
औषधि बिक्री बढ्नु, सञ्चालन खर्च कटौती हुनु र आफ्ना जग्गा–भवनबाट भाडा आम्दानी हुनु नाफाको मुख्य कारण बनेको लिमिटेडले जनाएको छ ।
गत वर्ष कम्पनीले ८ करोड १३ लाख रुपैयाँबराबरको औषधि बिक्री गरेको थियो भने ४ करोड ८० लाख रुपैयाँ भाडा आम्दानी गरेको थियो ।
महाप्रबन्धक कैलाश पनेरूका अनुसार हाल संस्थाको खातामा २ करोड रुपैयाँ नगद मौज्दात छ र बजारबाट उठाउन बाँकी रकम करिब ५० लाख रुपैयाँ रहेको छ ।
पछिल्ला पाँच वर्षमा औषधि बिक्री निरन्तर बढ्दै गएको छ ।
हाल नेपाल औषधि लिमिटेडले ११ प्रकारका औषधि उत्पादन गरिरहेको छ र आगामी दुई महिनाभित्र थप १० प्रकारका औषधि उत्पादन सुरु गर्ने तयारी गरेको छ ।
यद्यपि कम्पनीसँग सरकारलाई तिर्नुपर्ने १ अर्ब २६ करोड रुपैयाँ ऋण अझै बाँकी छ ।
