विश्व खबर 
काठमाडौं– राष्ट्रिय स्वतन्त्र पार्टी (रास्वपा)का प्रतिनिधिसभा सदस्य बब्लु गुप्ताले मोटरसाइकलको पछाडि उभिएर यात्रा गर्दै भिडियो खिचाएको दृश्य सामाजिक सञ्जालमा भाइरल भएपछि सो मोटरसाइकलका चालकमाथि ट्राफिक प्रहरीले कारबाही गरेको छ ।
सिराहा ट्राफिक प्रहरीले मोटरसाइकल चालक पिताम्बर चौधरीलाई लापरबाहीपूर्ण ढंगले सवारी चलाएको ठहर गर्दै ५ सय रुपैयाँ जरिबाना गरेको जनाएको छ ।
कारबाहीका लागि गुप्ता स्वयं चालकलाई साथ लिएर ट्राफिक प्रहरी कार्यालय, सिराहा पुगेका थिए ।
घटनापछि सामाजिक सञ्जालमा व्यापक आलोचना भएपछि सांसद गुप्ताले आफ्नो आधिकारिक फेसबुकमार्फत सार्वजनिक रूपमा माफी माग्दै भविष्यमा यस्ता गतिविधि नदोहोर्याउने प्रतिबद्धता व्यक्त गरेका छन् ।
बब्लु गुप्ता रास्वपाबाट सिराहा निर्वाचन क्षेत्र नम्बर–१ बाट निर्वाचित प्रतिनिधिसभा सदस्य हुन् ।
प्रतिक्रिया दिनुहोस्
