विश्व खबर 
काठमाडौं– मध्यपूर्वमा बढ्दो तनावबीच अमेरिकी राष्ट्रपति डोनाल्ड ट्रम्प इरानसँग १० दिने अस्थायी युद्धविराम स्वीकार गर्ने वा इजरायलसँग मिलेर थप सैन्य अभियान अघि बढाउने भन्ने विषयमा दोधारमा रहेको अमेरिकी सञ्चारमाध्यम एक्सियोसले जनाएको छ ।
रिपोर्टअनुसार कतार, इजिप्ट, पाकिस्तानलगायतका मध्यस्थकर्ताले अमेरिका–इरानबीच १० दिने युद्धविराम, स्ट्रेट अफ होर्मुज पुनः सञ्चालन र दीर्घकालीन वार्ताको प्रस्ताव गरेका छन् ।
ट्रम्प प्रशासनले उक्त प्रस्तावको समीक्षा गरिरहेको भए पनि अन्तिम निर्णय भएको छैन ।
यसैबीच अमेरिकाले क्षेत्रमा थप लडाकु विमान र हवाई इन्धन आपूर्ति साधन तैनाथ गरेको छ भने इजरायलले कूटनीति असफल भए व्यापक सैन्य कारबाहीका लागि तयारी गरिरहेको बताइएको छ ।
इरानले पनि अमेरिकी आक्रमणको कडा जवाफ दिने चेतावनी दिएको छ ।
दुवै पक्षले हालसम्म युद्धविराम प्रस्ताव स्वीकार नगरेकाले क्षेत्रीय तनाव अझै उच्च रहेको एक्सियोसले उल्लेख गरेको छ ।
