विश्व खबर 
काठमाडौं– यमनस्थित इरान समर्थित हुथी विद्रोहीहरूले साउदी अरेबियाविरुद्ध समुद्री नाकाबन्दी घोषणा गरेका छन् ।
यसले मध्यपूर्वमा तनाव थप बढाउनुका साथै विश्वव्यापी तेल आपूर्ति र अन्तर्राष्ट्रिय व्यापारमा असर पर्ने चिन्ता बढाएको छ ।
हुथीहरूले बाब अल–मन्देब जलडमरूमध्य हुँदै साउदीसँग सम्बन्धित जहाजहरूलाई लक्षित गर्ने चेतावनी दिएका छन् ।
जवाफमा साउदी नेतृत्वको सैन्य गठबन्धनले जहाजहरूको सुरक्षा कडा पार्दै आवश्यक परे बल प्रयोग गर्ने जनाएको छ ।
घटनापछि अन्तर्राष्ट्रिय बजारमा तेलको मूल्य केही समय बढे पनि पछि स्थिर भएको छ ।
यद्यपि लाल सागर क्षेत्रमा व्यापारी जहाजहरूको जोखिम बढेकाले ढुवानी र बीमाको लागत बढ्ने अनुमान गरिएको छ ।
यसैबीच अमेरिका–इरान तनाव कायम रहे पनि युद्धविराम र कूटनीतिक पहलका प्रयास जारी रहेको बताइएको छ ।
प्रतिक्रिया दिनुहोस्
