२ असार २०७८, बुधबार   |  June 16, 2021
advertisement of bishwo khabr
Tika Gurung

प्रतिनिधिसभा विघटन विरुद्धको रिट सुनुवाइका लागि वरिष्ठताका आधारमा संवैधानिक इजलास पुनर्गठन

प्रतिनिधिसभा विघटनविरुद्धको रिट सुनुवाइका लागि वरिष्ठताका आधारमा संवैधानिक इजलास पुनर्गठन


काठमाडौँ । प्रतिनिधिसभा विघटन बिरुद्ध परेको रिटमा आइतबार सुनुवाइ हुँदै छ । यसका लागि प्रधानन्यायाधीश चोलेन्द्र शमशेर राणाले वरिष्ठताका आधारमा संवैधानिक इजलास गठन गरेका छन् ।

इजलासमा प्रधानन्यायाधीश जबरासहित न्यायाधीशहरु दीपककुमार कार्की, मीरा खड्का, ईश्वरप्रसाद खतिवडा र आनन्दमोहन भट्टराई रहेका छन्।

यसअघि गठित इजलासमा न्यायाधीशहरु बमकुमार श्रेष्ठ र तेजबहादुर केसीको विषयलाई लिएर विवाद भएको थियो। संवैधानिक इजलासमा रहेका दुई न्यायाधीशको निष्पक्षतामाथि कानुन व्यवसायीले प्रश्न उठाएपछि जेठ १८ मा आइतबार सुनुवाई हुनेगरी इजलास स्थगित गरिएको थियो ।

उक्त इजलासमा रहेका न्यायाधीश तेजबहादुर केसी र बमकुमार श्रेष्ठको उपस्थितप्रति १४६ जना सांसदका वकिलहरुले प्रश्न उठाएका थिए। उनीहरुले नेकपाको एकतालाई शून्यमा झार्ने आदेश गरेको र उक्त आदेशमा पुनरावलोकनका लागि निस्सा नदिएको निवेदक पक्षको भनाइ थियो।

उनीहरुले इजलास छाड्न अस्वीकार गरेपछि दीकपकुमार कार्की र आनन्दमोहन भट्टराईले छाडेका थिए। वरिष्ठताका आधारमा इजलास गठन भएमा प्रधानन्यायाधीश राणासहित न्यायाधीशहरु दीपककुमार कार्की, मिरा खड्का, हरिकृष्ण कार्की र विश्वम्भरप्रसाद श्रेष्ठ रहने थिए।

Leave a Reply

Your email address will not be published. Required fields are marked *

175947743 636850780512448 4985046120171052420 n