विश्व खबर 
काठमाडौं- नेकपा एमाले अध्यक्ष केपी शर्मा ओलीमाथि आक्रमणको प्रयास भएको छ । झापामा आयोजित कार्यक्रममा जाँदा आज ओलीमाथि ढुंगा प्रहार भएको हो ।
बुधबार प्रतिनिधिसभामा बोल्दै एमाले प्रमुख सचेतक पदम गिरीले पार्टी अध्यक्ष ओली कार्यक्रमतर्फ जाँदा आक्रमणको प्रयास भएको बताए ।
“काठमाडौंबाट झापातर्फ जाँदै गर्दा भद्रपुर विमानस्थलबाट कार्यक्रमस्थल बुधबारे जाने क्रममा कार्यक्रमस्थलबाहिरपट्टि बसेर होहल्ला गर्ने, कार्यक्रम विथोल्न खोज्ने, शान्ति भंग गराउन खोज्ने काम भएको छ,” उनले भने ।
उनले एमालेको सत्तापक्षको कार्यकर्ताको सहभागितामा प्रतिपक्षलाई जिस्क्याइएको बताए ।
“एमालेको नेतृत्व एउटा कार्यक्रममा सहभागी हुन जाँदा जुन प्रकारले ढुंगामुढा गर्ने कोसिस गरिन्छ, अनेकन ढंगले कार्यक्रम भाँड्ने कोसिस गरिन्छ,” गिरीले भने, “सत्तापक्षकै कार्यकर्ता त्यसमा घुसपैठ गरिन्छ ।”
प्रतिक्रिया दिनुहोस्