विश्व खबर 
काठमाडौं । विदेश उड्नका लागी काठमाडौं आएका स्याङ्जाका ३२ वर्षीय नारायणबहादुर घर्ती क्षत्री । आइतबार विहान गोंगवुको गोदावरी सन्तोषी गेष्ट हाउसमा मृत अबस्थामा भेटिएका छन् ।
उक्त घटनाको विषयलाई लिएर दुई जनालाई पक्राउ गरिएको महानगरीय प्रहरी वृत्त महाराजगञ्जका डीएसपी रोशन खड्काले बताए ।
पक्राउ पर्नेमा धब्बुराम बस्ने र राजकुमार कवार योगी छन् । शुक्रवार दिउँसो मृतकसँगै उनीहरुसँगै बसेर होटलमा खानपिन गरेका थिए । धब्बुरामलाई काठमाडौंको आरुबारीबाट पक्राउ गरिएको छ । राजकुमारलाई सुनवलबाट पक्राउ गरेर काठमाडौं ल्याइँदैछ ।
नारायणबहादुर विदेश जानका लागी स्याङ्जाबाट काठमाडौं आएका थिए । विदेशमा बस्दा धब्बुराम र मृतकको बीचमा चिनजान भएको थियो । मध्यान्हसँगै बसेर शनिवार साँझ उनीहरु छुट्टिएको प्रहरीको अनुसन्धानबाट थाहा भएको छ । मृतकको शव परीक्षण रिपोर्ट आउन बाँकी छ ।
प्रतिक्रिया दिनुहोस्