विश्व खबर 
दमौली (तनहुँ) । तनहुँको बन्दीपुर पर्यटकीय क्षेत्र दसैं बिदामा घुम्ने आन्तरिक पर्यटकको रोजाइमा परेको छ ।
यहाँ अहिले स्वदेशी तथा विदेशी सबैखाले पर्यटकको चहलपहल बढ्दो क्रममा रहेको छ । यहाँका पूर्वाधार पनि स्वदेशी र विदेशी पर्यटकमैत्री बनाइएको छ ।
बन्दीपुर पर्यटन विकास समितिका अध्यक्ष किसान प्रधानका अनुसार यहाँका प्रमुख पर्यटकीय क्षेत्र थानीमाई मन्दिर, मणि मुकुन्देश्वरी पर्खाल (मिनी ग्रेटवाल), विन्ध्यवासिनी मन्दिर, पातलेद्वार गुफा, सहिद स्मारक उद्यानलगायत १७ गन्तव्यको सूची अङ्ग्रेजी, चिनियाँ, जापानी, कोरियाली, फ्रान्सेलीलगायत सात भाषामा तयार पारेको छ ।
यो याममा यहाँ आउने अन्य देशको तुलनामा चिनियाँ पर्यटकको सङ्ख्या बढी छ ।
बन्दीपुर जापान, चीन, इटाली, स्पेन, नेदरल्याण्ड्स, फ्रान्स, अमेरिका, जर्मनी, डेनमार्क, पाकिस्तान, अष्ट्रेलिया, बेलायत, आयरल्याण्ड, दक्षिण कोरिया, बेल्जियम, थाइल्याण्ड, स्वीटजरल्याण्ड, मलेसिया, पोर्चुगल, चेक रिपब्लिक, इरान, भारत, ग्रीस र अर्जेन्टिनाका पर्यटकको रोजाइ बनेको अध्यक्ष प्रधानले बताए ।
यहाँ अन्नपूर्ण, माछापुच्छ्रे, धौलागिरिलगायत हिमशृङ्खलाको दृश्यावलोकन गर्न पर्यटक आउने गरेका छन् । रासस
प्रतिक्रिया दिनुहोस्