सर्वसाधरणलाई ठग्दै सगुनः सरकारले नै अबैध भनेको सगुनले फेरि ल्यायो ‘आईपिओ’

काठमाडौं, भदौ २३
पछिल्लो समय निरन्तर विवादमा रहेको नेपालीद्धारा खोलिएको भनेर प्रचार गर्दै आएको सगुनले फेरि पनि नेपाली बजारमा आईपिओ खुल्ला गरिएको भन्दै विज्ञापन गरेर गैरकानुनी रूपमा सर्वसाधरणको लगानी जुटाउने कोसिस गरेको छ ।

अमेरिकी सेयर बजारमा दर्ता भएको, नेपालीले खोलेको र लगानी गर्दा डलर फल्ने भन्दै प्रलोभन देखाएर लगानी जुटाउने प्रयास गरिरहेको सगुनमा लगानी नगर्न सरकारले यसअघि नै सर्वसाधरणलाई सचेत गराई सकेको छ । नेपाल धितोपत्र बोर्डले सगुनको आइपीओ गैरकानुनी भएको भन्दै लगानी नगर्न सचेत गराएको थियो । लगत्तै सगुनले विभिन्न अनलाइनहरु मार्फत विज्ञापनहरु बन्द गरेकोमा पुनः विज्ञापन गरेर लगानी जुटाउन सुरु गरेको छ ।

नेपाली अनलाइनमा गैरकानुनी रुपमा सगुनले गरेको विज्ञापन:

धितोपत्र बोर्डबाट अनुमति नपाएको सगुनलाई आइपीओ खुला भएको लगायतका विषयमा भ्रमित पार्ने गरी विज्ञापन तथा समाचार प्रकाशन तथा प्रकाशन नगर्न समेत धितोपत्र बोर्डले निर्देशन समेत दिएको थियो ।विज्ञापनमा नेपाल, इरान र उत्तर कोरियाबाट लगानी गर्न नमिल्ने भनिए पनि नेपाली अनलाइनमा विज्ञापन हुँदै आएको छ । कतिपयले नेपाली बजारमा विज्ञापन गरेर हुण्डीमार्फत पैसा विदेशमा पठाएर लगानी उठाएको आरोप समेत लगाउने गरेका छन् ।

विदेशमा रहेको यस संस्थाले आइपीओको नाममा पटकपटक विभिन्न देशमा रहेका नेपाली नागरिकबाट पैसा असुल्दै आएको हो । पछिल्लो पटक भने बोर्डले एक सुचना नै जारी गरेर गैरकानुनी भएको जनाईसकेको छ ।धितोपत्र सम्बन्धी ऐन अनुसार संगठित संस्थाहरूले नेपालमा धितोपत्र निष्कासन गर्नुअघि धितोपत्र बोर्डमा दर्ता गराउनुपर्ने हुन्छ । बोर्डबाट अनुमति पाएपछि मात्र बिक्री खुला गर्न पाइन्छ । तर सगुनले भने आईपिओको नाम बेचेर पैसा असुल्दै आएको छ ।

सगुनको लगानी डुब्ने खतरा रहेको विज्ञहरुले पटक पटक सचेत गराउँदै आएका छन् । यस्ता, कम्पनी सयौं खुल्ने र बन्द हुने गरेको भन्दै लगानी गर्न पूर्व बुझेर मात्र निर्णय गर्न उनीहरुले आग्रह गरेका छन् ।

विश्व खवरले गैरकानुनी रुपमा सर्वसाधारणसंग सगुनको नेपालीलाई अमेरिकी कम्पनीको मालिक बनाउने सपना देखाएर ठगी करोडौं गर्ने नियतकासाथ सुरु गरेको नेपाली अनलाइनमा गैरकानुनी रुपमा विज्ञापनमा सगुनले गरेको बदमासीका विषयमा केहि समयदेखी अगाडी समाचार प्रकाशन गरेसंगै नेपाल धितोपत्र वोर्डले सुचना जारी ।

यता, सन् २०१७ देखि सुरु भएको सगुनले लगानी गर्न विभिन्न प्रलोभनजन्य प्याकेज देखाएर पटक पटक आह्वान गर्दै आएको छ । तर, वर्षौदेखि लगानी गर्नेहरुले डलर थाप्नु भन्दा पनि लगानी घुमाउने काम गरेको मात्र पाइएको छ ।जानकारहरूका अनुसार सगुनले यसअघि उठाएको आईपिओबापतको रकम कर्मचारीको सेवा सुविधामा खर्च गरिसकेको छ । पछिल्लो समय आर्थिक अवस्थाकै कारण कम्पनी समस्यामा पर्न थालेपछि पुनः आईपिओ खुल्ला गरेर पैसा बटुल्न लागेको बताइन्छ ।

सगुनले पछिल्लो पटक नाम चलेका सबै नेपालका अनलाइनमा फेरि पनि विज्ञापन गरेर आफ्ना ग्राहक बढाउने र लगानी जुटाउने प्रयास गरेको छ । अहिले नाम चलेका नेपालका सबै अनलाइनमा प्रचार गरिरहेको छ । विश्वभरी चर्चित रहेको, अमेरिकी सेयर बजारमा दर्ता भएको, भारतको एक पत्रिकाले ५० करोड लगानी गरेको भनेर समाचार लेखाउने सगुनले पटक–पटक किन नेपालीले खोलेको भनेर नेपालबाट नै लगानी जुटाउन खोजिरहेको छ त्यो पनि शंकाको विषय बनेको छ ।

यो पनि पढ्नुहोसः सगुनको नेपालीलाई अमेरिकी कम्पनीको मालिक बनाउने सपना देखाएर ठगी करोडौं गर्दै

  •  
  •  
  •  

LEAVE A REPLY

Please enter your comment!
Please enter your name here

भर्खरै

आजदेखि उपत्यकामा व्यापार व्यवसाय खुला

काठमाडौँ । उपत्यकामा कोरोना भाइरसको संक्रमण बढ्दै गईरहेको बेला जनस्वास्थ्यमा गम्भिर असर पर्न सक्ने अवस्थालाई मध्यनजर गरी कोभिड–१९ को संक्रमणको प्रभावकारी रोकथाम...

हालसम्मकै सबैभन्दा धेरै संख्यामा संक्रमण पुष्‍टि, कुल संक्रमितको संख्या ५८ हजार नाघ्यो

काठमाडौँ । एकैदिन अहिलेसम्मकै धेरै १५३९ जना कोरोना भाइरस संक्रमित थपिएका छन् । यससँगै देशभर कोरोना संक्रमितको संख्या ५८,३२७ पुगेको छ ।...

सीमा सुरक्षामा खटिएका प्रहरीलाई छाक टार्नै धौधौ

बझाङ । भदौको झिसमिसे उज्यालो । अँध्यारोमै प्रहरी टोली घरमा आएपछि शैनगाउँकी रुप्सी बोहराको होसहवास नै उड्यो । घरमा कुनै सदस्यले गल्ती...

सम्बन्धित शीर्षक

  •  
  •  
  •